O equipo de goberno vota en contra de dúas mocións presentadas polo PSOE, unha delas na que se pedían melloras no mantemento e a seguridade na senda litoral, e outra relacionada cos colectores soterrados de Porto, precintados pola Policía Local desde xuño.
Lembran aquel Partido Popular que prometía cambiar o rumbo da vila, con rúas máis limpas, mobiliario público en mellor estado e un patrimonio ben coidado?
Votación no pleno de xullo
Nós tamén. Pero o que vemos, día tras día, é que todas aquelas promesas quedaron en iso: palabras de campaña, titulares de panfleto e frases bonitas xunto a fotos sorrintes. Baleiras de contido e de compromiso.
O pleno de xullo foi a confirmación de todo isto. O que nos atopamos foi un Carrero visiblemente molesto coas críticas recollidas nas mocións socialistas. Tanto, que preferiu votar en contra, xunto co seu socio de goberno, antes que admitir que A Guarda necesita máis mantemento e atención.
E non o fixeron porque as propostas non foran necesarias, que ben o son, senón porque aprobalas significaría recoñecer que o PSOE tiña razón. E que, de todo o que prometeron, non están cumprindo nin a cuarta parte.
Iso si… denuncia que facemos nas redes ou instancia que presentamos, denuncia que os pon a correr. E xa van uns cantos casos: a sega da senda litoral poucos días despois de rexistrar a moción; a limpeza dun muro na rúa Roda; os desbroces no Castro, na estrada da Gándara…Todos tras denuncias públicas nosas. Se non, nada.
Casualidade? Non. Falta de planificación. Desgoberno. E un estilo político que só reacciona cando se ve contra as cordas.
Ningún comentario:
Publicar un comentario