O CASTELO DE STA CRUZ, 153 ANOS PECHADO ÓS VECIÑOS

O traballo realizado polo equipo de goberno para presentar en forma e prazo o Proxecto de Execución de Posta en Valor do Castelo de Santa Cruz viuse recompensado. As xestións realizadas permitiron que os veciños da Guarda accedesen, despois de 153 anos en mans privadas, ó Xigante Agochado. O 6 de decembro de 2013 foi un día de ledicia para A Guarda.

OITO ANOS DE XESTIÓN MUNICIPAL

Por José Manuel Domínguez Freitas 

Cando chega o momento de render contas despois de oito anos de goberno municipal a tentación é nomear as grandes obras que se realizaron e que todos temos na cabeza: a Senda Litoral, o Castelo de Santa Cruz, a Casa dos Alonsos, a estrada do Castro, a Alameda, a humanización de innumerables rúas da vila... Son, sen dúbida, logros moi importantes, pero eu hoxe quero lembrar outros, menos ostentosos e visibles, pero igual de importantes para a cidadanía.

COMEZOU A CAMPAÑA DAS MUNICIPAIS 2015

Estamos en plena campaña ás eleccións municipais 2015. Parece que foi onte pero xa pasaron seis días. Cada quen fixo a súa posta en escena.

Para nós son momentos de achegarnos aos veciños, falar con vos, escoitar as vosas razóns, as vosas demandas e preocupacións, e tamén, pedirvos o voto. De facer mítines por barrios e parroquias, de traballar na rúa.

Na seguinte ligazón pódese visualizar o documento que estamos a distribuír no que falamos das nosas políticas e as nosas cifras durante estes oito anos de goberno e no que resumimos as nosas propostas para a próxima lexislatura.

PRESENTACIÓN DA CANDIDATURA DE ANTONIO LOMBA E O SEU EQUIPO

Antonio Lomba Baz

Ante un auditorio abarrotado, o pasado venres o Partido Socialista da Guarda presentou a candidatura liderada por Antonio Lomba Baz que concorrerá ás eleccions municipais de maio de 2015. Presentou o acto o actual alcalde da Guarda, José Manuel Domínguez Freitas, quen valorou a cohesión existente na agrupación da Guarda e manifestou o seu agradecemento polo apoio recibido. Interviu a continuación Pilar Cancela, Secretaria de Organización del PSdeG, quen no seu discurso aludiu á vocación municipalista dos socialistas.

Finalmente interviu o canditato a alcalde da Guarda, Antonio Lomba Baz. Aludiu inicialmente ós criterios de cohesión e vontade de traballo entre os criterios determinantes que o guiaron na confección da lista de candidatos. Lembrou algunhas das actuacións máis relevantes nos anos de goberno de Freitas na Guarda para rematar con algunhas pinceladas do que será o prograna electoral para as eleccións do 24 de maio, actualmente en fase de redacción. Finalizou o acto coa presentación dos 20 integrantes da candidatura, continuísta pero incorporando tamén xuventude e folgos renovados para continuar cun proxecto iniciado hai oito anos.

Freitas, Antonio Lomba e Pilar Cancela

ANTONIO LOMBA BAZ, candidato á alcaldía da Guarda

NO MEU PENSAMENTO ESTÁN SEMPRE A GUARDA E AS SÚAS XENTES

Antonio Lomba Baz, concelleiro socialista do concello da Guarda dende 2003, foi elixido por militantes e simpatizantes da Agrupación Socialista local, como candidato á alcaldía nas próximas eleccións municipais do mes de maio, dando o relevo ao actual alcalde José Manuel Domínguez Freitas.
Este guardés, nacido no barrio da Marina, casado e pai de dous fillos, enxeñeiro de formación, traballa dende o ano 2000 como profesor de tecnoloxía no IES A SANGRIÑA. Nesta labor formativa destaca por ter liderado diferentes proxectos cos que ten acadado varios premios de innovación educativa e por achegar a toda a comunidade docente os seus traballos a través das súas publicacións en internet.

Que te motivou para afrontar o reto de presentarte como candidato a alcalde? 
Considero que as persoas que tivemos oportunidades para a nosa realización académica e profesional estamos en deuda coa sociedade. Implicarse en proxectos sociais e políticos que teñen como fin a mellora do noso entorno e das condicións de vida dos nosos veciños é unha maneira de ser agradecidos e de intentar mellorar o futuro dos nosos fillos.

O CONCELLO DA GUARDA AFORRA, NO ÚLTIMO ANO, MÁIS DUN 35% NO SERVICIO DE TELECOMUNICACIÓNS

O concelleiro de novas tecnoloxías, Antonio Lomba Baz, explicou que dentro das reformas postas en marcha  nesta lexislatura, unha das máis importantes é  a reforma da administración  para que o seu funcionamento sexa máis áxil,  moderno,  transparente  e especialmente  máis eficiente, minorando o custo dos servicios  sen que diminúa a súa calidade.

Neste contexto, o concelleiro responsable da área sinala que se ten buscado a racionalización dos servicios e infraestructuras  en telecomunicacións, optimizando o número de liñas, mellorando as tarifas e contratando líneas de ADSL para internet con tarifa plana  ou acadando bonificacións para servizos de  telefonía para  móviles.

O CONCELLO DA GUARDA COLABORA CON ASOCIACIÓNS SOCIAIS, DEPORTIVAS E CULTURAIS

O concello da Guarda distribuiu  115.490€  entre as asociacións de carácter social, deportivo e cultural correpondentes cos orzamentos do 2014. Estas subvencións permiten ás asociacións desenvolver a súa función con maior facilidade.

Ás entidades de carácter social  lle corresponderon 17.300€,  entre as beneficiadas podemos destacar    o Centro San Xerome Emiliani, a asociación Avelaiña, Erguete, Las Samaritanas, Cruz Vermella Española ou a asociación de Fibromialxia.

No ámbito deportivo, 57.600€ se entregaron a asociacións como  ao clube de Balonmano, Sporting Guardés de Fútbol, clube de Remo Robaleira, Clube Alagua, Clube  A Guarda Hockey Liña,  así como a aquelas que traballan no  deporte base tanto no fútbol, natación, judo, xadrez ou  atletismo.